Markmið
Hvert get ég skilað fræinu?
Haustið 2021 verða fræbox að finna í verslunum Bónus um land allt. Sjá hér lista yfir verslanir fyrirtækisins. Einnig getur fólk fengið svona box á starfsstöðvum Landgræðslunnar og Skógræktarinnar. Upplýsingar um þessa staði er að finna á heimasíðum stofnananna (www.skogur.is og www.land.is).
Hægt er að skila fræjum í fræsöfnunartunnur sem eru í Bónus og á starfsstöðvum Landgræðslu og Skógræktar um land allt. Í Skagafirði taka Skagfirðingabúð og Olís-Varmahlíð á móti fræi. Í Vopnafirði tekur verslunin Kauptún á móti fræi. Mótttöku- og flokkunarstöðvar Terra á eftirtöldum stöðum taka á móti fræi: Akureyri (Hlíðarvellir), Blönduós (Efstubraut 5), Skagaströnd (Vallarbraut 2), Akranes (Höfðaseli 16), Ísafjörður og Reyðarfjörður.
Ef þú ert ekki með fræsöfnunarbox, þá getur þú sett fræ í bréfpoka. Auk þess er líka hægt að sauma litla poka sem hægt er að loka að ofan með því að draga saman band í opinu. Þeir sem nota bréf- eða taupoka verða að muna að skrifa á miða hvar fræinu var safnað og setja miðann í pokann.
Nánari upplýsingar gefur Kristinn H. Þorsteinsson, verkefnisstjóri, í s. 834 3100. Netfang: birkiskogur@gmail.com
